對你笑不完

A:         有冇試過銅鑼灣嗰間拉麵？
B:         拉麵？邊間？
A:         銅鑼灣嗰間，真係要試，好好食。
B:         係咪電視講嗰間？好嘢嚟喎。
A:         即係鵝頸橋附近嗰間？
B:         我諗係啩…佢話啲拉麵好出名喎。
A:         嘩真係要試吓呀你，好食。
B:         真係要試咁緊要？有冇咁好食先。
A:         唔係講笑，啲拉麵好食到呢，喺鵝頸橋嗰頭之嘛…
B:         咁真係要試吓喎。
A:         你唔係唔試嘛。
B:         咁近梗係試吓啦。
A:         咁出名你冇理由唔去啦。
B:         拉麵我實食㗎。
A:         都話你食家啦真係。
B:         哈哈哈…

類似以上的對話，每日最少聽到六、七次，每次短則幾分鐘，
長則一餐飯的時間。將一問一答講完的對話，無限伸延，無限
拖延，講的出盡力， 不過我聽都聽到乏力。

人人出盡力的笑，笑到七情上面，笑到氣咳。但其實有咩好笑？
笑位喺邊？我好想知。