出走

攝於由edinburgh開往birmingham的火車上。

眼睛想旅行，但願肉身隨之流放，待續。

彼得羅白與六花公子和蝦仔爹地 I

彼得羅白：　　有冇人想出iphone？

六花公子：　　好貴。

蝦仔爹地：　　出iphone，冇陰公。

彼得羅白：　　話佢好靚又唔係，話佢唔掂又唔係，成部機都唔拖唔水咁。

六花公子：　　zoom in zoom out 好好玩。

彼得羅白：　　直頭無敵添啦，諾記家陣出廣告打佢，話佢呢樣唔掂嗰樣未夠班，
　　　　　　　但佢啲機咁既樣，點同人爭，最後啲人就算唔出iphone咪去出sony。

六花公子：　　「朋友起格，風景起格，200百萬象素手機，冇閃光燈，仲合規格？」

蝦仔爹地：　　唔啱規格，大不了咪玩封殺！

彼得羅白：　　不過其實如果唔係一定要用呢個台呢...其實都幾好丫...公子點睇？

六花公子：　　我撐你。

蝦仔爹地：　　得閒食個橙，最怕無得揀。

千真萬確

如果這是一種欺騙　謊話竟可這樣高雅

Last Friends

近年難得的瘋狂，用了兩天時間看畢整套日劇。

主角各有各的出身與背景，感情線離不開A喜歡B喜歡C喜歡A。不過日劇似乎有種魔力，能夠令老土到不行的故事，發揚光大，引你不停追看，情況有如閱讀亦舒的小說，明知是千篇一律的愛情故事，情節與張力卻確切把你拖進她的黑洞世界。

簡單說明劇中感情線：タケル(左2)喜歡瑠可(左3)，瑠可喜歡美知留(左4)，美知留前段喜歡宗佑(右1)，後段對タケル有意思。

上圖兩張宣傳照，看來有點玄機。紅色絲帶代表連繫各人的感情發展，有說左圖是五主角的表面身份，右圖是他們的真實內心世界。那麼...美知留都是個貪心的女生吧，既得到瑠可的愛，手卻伸向タケル，天下的女孩子，竟都是同出一轍。

喜歡這劇，不為主角的身世和遭遇而感動。然而最終回描述，瑠可、美知留和她的女兒、タケル四人一起生活，這存在某種缺憾的大團圓結局，其實是一種超越現實的幸福，與不幸。

快快樂樂殺人去

幾年前發過一個夢，夢見自己在過一條短馬路時，拿著摺凳揮向一人的頭顱，那人失去重心往馬路倒下，同時的士轉彎駛入，那人當場certified。

很多年後的今日，回想這迫真指數有十粒星星的夢境，疑團仍未解開。為甚麼是的士的駛入，而不是私家車/van仔/電單車/垃圾車等等。記憶中的的士是沒有乘客的，而意外發生以後，的士停下，司機卻沒有下車查問，而我亦看不見屍首，摺凳不翼而飛，一切好像很自然的發生，然後完結。

醒來的一刻，沒有太大的感覺，只覺得發了一個真實得有點駭人的夢，打了一個顫抖。

夏日時光機

上野樹里和瑛太這組合，原來經常在電視、電影裡看到！

故事來自一個關於時光機的問題：究竟我們回到昨天，在「昨天」停留一天以後，理論上是來到「今天」的，那麼「昨天」的自己會自然消失變成由今天回去「昨天」而變成今天的自己嗎？

假設「昨天」的自己在昨天晚上和朋友耍樂至天明，而從今天回去昨天的自己則在另一個地方睡覺，那麼「昨天」的自己會在零晨12時突然間消失並由今天回去昨天的自己取代嗎？這推理其實又很荒謬。

本來這電影題材很有趣，可惜末段對時空交錯的解釋很含糊，也沒有甚麼驚喜的見解就完結了，有點失望。

程至美與彼得羅白和六花公子 II

程至美：　　　又話有大發現而家淨係喺度笑。

彼得羅白：　　自己笑最自私。

程至美：　　　嗱嗱嗱有嘢笑唔一齊笑以後講唔到嘢。

彼得羅白：　　佢成鬼日都唔出聲喇已經...

六花公子：　　尋晚去舊同學聚會，見到啲女同學...走晒樣...嘻嘻嘻....嘻...

程至美：　　　係咪咁好笑先走樣走成點先。

六花公子：　　有個...變左.......

彼得羅白：　　咪住，你地識左幾耐？

六花公子：　　有啲識咗差唔多八年，冇見一年。

程至美：　　　車又唔係冇見廿年，都唔差得好遠啦。

六花公子：　　嘻...嘻嘻...呢班女仔玩styling...
　　　　　　　有個...九十年代rock...

程至美：　　　beyond?! 太極?! 羅大佑?!

彼得羅白：　　女仔人家喎。

六花公子：　　佢個頭...
　　　　　　　動力火車嘅蓬鬆迪克與牛仔嘅攣夾住老爹嘅影子。

彼得羅白：　　嘩...俾返少少口德好喎。

程至美：　　　咁黃品源<那麼愛你為甚麼>mv入面rap嗰個假莫文蔚好未喇。

六花公子：　　你講嘅...嘻...

彼得羅白：　　你兩個把口...嘩呢幾個example個口都...
　　　　　　　都...都相當有份量...　　　

程至美：　　　你識左人八年都唔覺佢大口？!

六花公子：　　都話係大發現...

六花公子的Soliloquy II

相識二千八百六十六日代表咩其實代表唔到啲
咩日子係咪都係咁過無論佢係情人朋友定仇人
喺時間面前人人平等然後我發現左一個大發現
我發現喺對上二千八百六十五日裡面我都發現
唔到嘅事我決定寫低佢或者話俾程至美佢地聽
或者都係寫低佢先再算呢個的確係個重大發現

愛‧住‧巴黎

這齣法國小品對我來說是既沒驚喜，也沒有失望。故事很簡單，男女主角在另一男主角家居住，彼此由互相生厭漸漸變成相愛。

一直以來我對女主角Audrey Tautou都存有不多不少的好感。不過歷年來她所主演的角色，好像都離不開擁有某程度上異端性格，就像今次她堅持「我們上床但不戀愛」的信念一樣。

不過整體而言，電影對演員的性格塑造著墨不多，每每輕輕帶過，就只有男主角的外祖母刻畫得較仔細，由發生意外至她的死亡都緊扣著整齣電影。

若不是Audrey Tautou，若不是爆燈的法國情懷推波助瀾，這小品，還未夠火候。

程至美的Soliloquy I

我最鍾意陽光與海灘，
因為有比堅尼女周圍走，
同埋有菠蘿雪碧飲。
雖然太陽油陣味好討厭，
到底都因為有呢種味所以先似夏天。

於是上個禮拜買咗，
七一嗰日喺屋企搽左一次，
勁好feel。
夜晚出去飲嘢，
個個以為我曬完返嚟，
傻仔，
我唔會係喺銅鑼灣當街表演食紙嗰班人囉，
我真係唔覺得你食左張寫住「陰質教育」嘅紙，
就好講到個point。