程至美與彼得羅白III

程至美：　　　有冇聽過一個關於日本石頭嘅故仔先？

彼得羅白：　　中國嗰個就聽過。

程至美：　　　有咩？

彼得羅白：　　公子知我諗住你實知添。

程至美：　　　你知佢又知？

彼得羅白：　　佢偶像莊子講㗎。咩你唔係舊石就唔知舊石點諗嗰個故仔囉。

程至美：　　　聽埋啲咁深嘅嘢唔怪得平日怪怪地。

彼得羅白：　　你唔係佢又點知佢係咪真係怪唧！

程至美：　　　唔係嘛怪都要分真假？

彼得羅白：　　你啱...咁你個日本版係點㗎？

程至美：　　　唧咁...有個日本人話，只要你坐喺舊石上面三年，點都會有所領悟。

彼得羅白：　　唔...

程至美：　　　勁哩句嘢！

彼得羅白：　　唔唔...

程至美：　　　喂回應下好喎。

彼得羅白：　　好似好有嘢又似乎講無嘢咁。

程至美：　　　今日我地level唔同傾唔埋，我過去搵公子同佢隻狗再傾過先得。