程至美的Soliloquy IV

今晚我一個人食飯，
其實個個人都係一個人食飯架啦。
我見到窗外面有另一個我喺度食飯，
都冇乜大不了。
之不過兩層玻璃以外就係個可以凍死你嘅世界，
嚴格嚟講，
死亡呢樣嘢一直都喺我隔離，
同我一齊食飯。

出面黑到呢...
淨係見到我自己，
仲要係雙層玻璃睇返自己個疊影，
睇到眼都花。

飛到呢個鐘數開始見到香港，
無論睇幾多次都係咁靚。
即刻開心晒。