彼得羅白與六花公子和蝦仔爹哋II

彼得羅白：　　做乜呢排咁靜先。

蝦仔爹哋：　　唔講唔覺，有新搞作？

六花公子：　　吓嘛...

彼得羅白：　　txt你又唔多覆，晩晩開住個msn又唔應，
　　　　　　　玩自閉定咩先。

六花公子：　　冇，睇下youtube又睇下facebook咁。

彼得羅白：　　ok, "Where the wild things are" figure幾時出？

六花公子：　　出咗。

彼得羅白：　　Barbie真人版三圍係幾多。

六花公子：　　38-18-28。

彼得羅白：　　伊健演唱會尾場係幾時？

六花公子：　　12月19號。

彼得羅白：　　電﹣車﹣男﹣！

蝦仔爹哋：　　伊健演唱會尾場...好強...

彼得羅白：　　講堅，諗緊乜。

六花公子：　　... ...

六花公子：　　不如去唱k。

六花公子：　　去飲杯嘢，我請。

六花公子：　　順便拎埋本絕版稻中俾程至美。

彼得羅白：　　阿蝦，即刻上facebook睇吓公子係咪join咗嗰個自殺group。
　　　　　　　快。

六花公子：　　做乜？定係想食和牛？

蝦仔爹哋：　　食海鮮？去金邊？講堅？我的天。

彼得羅白：　　一二三，坦白從寬。

六花公子：　　六合彩。

彼得羅白：　　... ...

蝦仔爹哋：　　... ...

彼得羅白：　　喂程至美，老地方等，即刻，直落聽朝...