程至美與彼德羅白 II

彼得羅白：　　我見到盧david呀好興奮呀。

程至美：　　　咦你都睇呢啲節目嘅咩？我仲估公子先會睇添。

彼得羅白：　　喺掌門人見到佢都係怪怪地，都係〈wakuwaku動物也瘋狂〉啱佢啲。

程至美：　　　嘩...掌門人就咪睇啦...十年前玩嗰啲，十年後又係嗰啲。

彼得羅白：　　你唔係喺掌門人見到佢，你見到佢真人？！

程至美：　　　仲勁過見真人。我見到皮光肉滑版盧david，仲有未嫁林敏聰嘅李美
　　　　　　　鳳，仲有未開始孭黃色喇嘛袋嘅蔡瀾，仲有倪康。

彼得羅白：　　你又同公子秘密入咗咩dvd返屋企睇呀。

程至美：　　　係無線經典台播嘅<週末夜遊人>。經典真係經典。

彼得羅白：　　盧david唔搞笑，蔡瀾唔食嘢，李美鳳唔sell電眼，得倪康一個講故仔？

程至美：　　　呢啲都唔係重點。

彼得羅白：　　你咪學人玩懷舊，唔係樣樣舊嘢都係正嘢喎。

程至美：　　　而家個世界越嚟越守舊就真，廿年前啲節目，倪康拎住杯酒出場，蔡
　　　　　　　瀾煙駁煙咁做節目架。似得而家禁晒啲煙酒出鏡位，又唔見少咗人食。

彼得羅白：　　好喇好喇再講你就變毓民喇。

程至美：　　　毓民？好嘢嚟喎。