程至美與彼得羅白 I

程至美　： 有啲嘢假得嚟又好真，即係明知係假你又要當真咁做，又要極投入咁去做。

彼得羅白： 同意。好似拍戲同打war game。

程至美　： 兩個個名都好堅吓喎。

彼得羅白： 咁邊有假嘢話你知佢係假嘢！

程至美　： 做假嘢都可以係職業，仲攞埋獎添，幾威呀。

彼得羅白： 乜dv998.com有入FWA個獎咩？

程至美　： 我講班演員...

彼得羅白： 不過啲演員成日話娛樂圈複雜，無知心朋友，又搵唔到男女朋友喎。

程至美　： 鬼咩，成班人圍埋句句假嘢，佢地自己都分唔到邊句真邊句隨口噏。

彼得羅白： 呢啲就抵佢攞獎喇，個獎又真係堅架！